Deputetja e djathtë Rudina Hajdari ka mbledhur grupin demokrat pas dakordësisë ditën e djeshme për Reformën Zgjedhore.
Burime për Fax News bëjnë me dije se në mbledhje është diskutuar për ndryshimin e sistemit, grupi demokrat kërkon që të shtohet në objektin e punës edhe pika e ndryshimit të sistemit.
Mbledhja është zhvilluar në ambientet e kryesisë së Kuvendit. Pas mbledhjes në një prononcim për mediat deputeti Korab Lita, u shpreh se nuk do të miratohet asnjë marrëveshje jashtë institucionit.
“PD dhe PS kanë 30 vite që bëjnë marrëveshje. Nuk do të miratojmë marrëveshje jashtë instuticionit, t’i jepet fund kësaj. Nuk jemi fasadë, jemi pjesë e këtij komisioni.”- u shpreh Lita.
