Pas kërkesës së kryebashkiakut të Tiranës Erion Veliaj, për të zhvendosur tendën ku po kryhet protesta e opozitës, vjen reagimi i parë nga deputetja demokrate, Albana Vokshi.
Në një prononcim për Report Tv, Vokshi u shpreh se Veliaj bën mirë të largohet nga posti i tij, pasi ende nuk ka kërkuar falje për dy viktimat në Zharrëz.
“Kjo çadër që tashmë ka një emër “Çadra e Lirisë” ka tmerruar Velinë dhe shefin e tij. Ky është një vend i zgjedhur nga qytetarët dhe jo nga PD. Ne do të rrijmë këtu dhe s’kemi për t’u larguar. Veliaj bën mirë të largohet nga posti i kryebashkiakut pasi ende s’ka kërkuar falje për dy viktimat e Sharrës.
S’ka kërkuar falje që aty punonin fëmijë 10 vjeç, burra dhe gra që s’kanë marrë rrogat. Ai duhet të largohet njëherë e mirë. Duhet të largohet se ka krijuar një censurë të paimagjinueshme ndaj të gjtiha mediave. Të largohet dhe për shkatërrimin që po i bën kryeqytetit.
Ky është parlamenti i qytetarëve shqiptarë. Nuk ka më parlament të kriminalizuar, këshill bashkiak të kriminalizuar”, tha Vokshi. (D.D/Shuplaka)
