Ish deputeti Gent Strazimiri i pyetur për një marrëveshje të mundshme me kryeministrin Rama pas ftesës së këtij të fundit për dialog pa kushte është përgjigjur se opozita nuk mund të dialogojë me Ramën që është shkaktar i gjithçkaje. Sipas, Strazimirit edhe marrëveshja e 2017 u bë me kërkesë të aleatëve, ndërsa sipas tij gabimi nuk do të përsëritet dy herë.
Pjesë nga biseda në studio:
Gazetarja:Kryemistri deklaron prerë se nuk ka asnjë negociat për datën e zgjedhjeve, por është gati të dialogojë me opozitën. Për çfarë mund të dialogohet në këto kushte?
Gent Strazimiri: Nuk mund të dialogohet për asnjë lloj gjejë, Edi Rama është shkaktar i gjithçkaje. Ky nuk është një konflikt politik ka kohë që nuk është i tillë, kjo është një konflikt për ekzistencën ose jo të demokracisë në Shqipëri. Është dhunuesi, është kriminalizuesi është narkoshtetizuesi është gllabëruesi i drejtësisë, është komandanti i këtyre horrave që i nxjerrë me uniform në rrugë për të rrahur sipas dëshirës dhe pasioneve politike, por jo sipas ligjit. Me të nuk mund të ketë dialog. Çdo dialog me të veçantërisht si Kryeminister do të ishte një kolaboracion i opozitës dhe kjo nuk mund të ndodh më.
Po të më pyesni se pse ndodhi në 2017? Kjo ishte sepse aleatë shumë të çmuar të Shqipërisë garantuan që do të mbanin drejtësinë e zgjedhjeve dhe do të jepnin zgjidhjen e krizës duke e futur Partinë Demokratike në zgjedhje, nuk mund t’i thonim jo. “Dosja 339”, “Dosja 184” tregon që aleatët shumë të vyer të PD-së nuk kanë garantuar dot procesin. Të gabosh njëherë është normale, ta përsëritësh për herë të dytë kjo pastaj është faj.
Gazetarja: A mund të ketë një zgjidhje të momenteve të fundit nga faktori ndërkombëtar?
Gent Strazimiri: A nuk e di. Në emër të popullit në kemi bërë të ditura kërkesat tona. Edi Rama kryeministër, nuk është opsion. Dialog me Edi Ramën Kryeministër nuk është opsion. Zgjedhjet do të zhvillohen vetëm atëherë kur shqiptarët vërtet të kenë garanci që do të zgjedhin dhe do të votojnë, zgjedhjet bëhen vetëm atëherë kur procesi zgjedhor të mos jetë në dorë të Kordinatorëve që përmenden tek “Dosja 339”, “Dosja 184”. Dje kryeministri ka marrë në mbrojtje ashtu sikurse Saimir Tahiri.. ka amnistuar të gjithë bashkëpunëtorët e tij. Ai ka folur si prokuror dhe mesaduket edhe pse nuk e ka luksin ta bëjë një gjë të tillë sepse menjëherë 59 sekonda jo 60 mbas arrestimit të Saimir Tahirit, në qoftë se do të bëhej vërtetë drejtësi i dyti që do të shkonte në burg është Edi Rama. E njëjta gjë ndodh edhe me Vangjush Dakon, Damian Gjiknurin dhe cilido prej emrave që përmenden në Dosjet e tmerrshme 339 dhe 184. Në këto kushte do të ishte kriminale edhe nga opozita të bënte sikur kjo nuk ka ndodhur dhe të bënte një marrëveshje. Kjo do të ishte në kurriz të popullit dhe ne nuk do ta bëjmë.
