Ditën e sotme Partia Demokratike njoftoi se kishte kërkuar nga Prokuroria nisjen e verifikimeve për pastërinë e figurës së kryebashkiakut të zgjedhur në Shgkodër Valdrin Pjetri.
Sipas PD Pjetri preket nga ligji i dekriminalizimit, pasi ka qenë i arrestuar ose i ndaluar në Itali në periudhën 2001-2002 dhe pas kthimit në Shqipëri, për tetë vite nuk ka udhëtuar më në drejtim të shtetit fqinj.
Por në formularin e vetëdeklarimit që Valdrin Pjetri ka dorëzuar në Komisionin Qendror të Zgjedhjeve nuk rezulton të ketë shënuar ndonjë masë të marrë ndaj tij nga autoritetet italiane.
Ajo që konfirmon Pjetri në formular është qëndrimi në Firence në periudhën 2001-2002 për studime universitare.
Ndërsa pyetjeve në kategorinë “të dhëna mbi gjendjen gjyqësore të personit” kandidati socialist i është përgjigjur të gjithave negativisht.
Gjithsesi, Partia Demokratike kërkon nga Prokuroria e Përgjithshme që të nisë menjëherë verifikimet mbi pastërtinë e figurës së Valdrin Pjetrit.
(E.K/Faxweb.al)
