Partia Demokratike ka marrë vendimin mbi hapjen e procesit për zgjedhjen e kryetarit të ri të kësaj partie.
Mësohet se të gjithë të interesuarit që do të kandidojnë për postin e kryedemokratit, do kenë afat deri më 2 korrik.
“Kandidatët për kryetar të paraqesin kërkesën deri më 2 korrik. Zgjedhjet për kryetarin e ri do të zhvillohen në datën 22 korrik.”, citohet në deklaratën e PD-së.
Në vendimin “Mbi hapjen e Procesit Zgjedhor për Kryetar të Partisë Demokratike”, të firmosur nga nënkryetarët Edi Paloka dhe Edmond Spaho, citohet se u vendos për:
Hapjen e procesit zgjedhor për kryetar të PDSH-së, ku do të marrë pjesë e gjithë anëtarësia, për afatin deri më 2 korrik të vënë në dispozicion të kandidatëve, për zhvillimin e zgjedhjeve më 22 korrik dhe gjithë modalitetet e tjera.
Një ditë më parë, Basha vendosi të ngrijë funksionet e tij si kryetar i PD-së me qëllim organizimin e garës: “Kam reflektuar thellë, marr përgjegjësitë për rezultatin, shqiptarët meritojnë një bilanc të thellë, sa kam gabuar nuk e përcaktoj unë, por as ata që nuk punuan asnjë ditë për fitoren e PD, këtë do ta përcaktojnë demokratët, kam vendosur të ngrij të gjitha funksionet e mia, për të organizuar garën për kryetarin e ri të PD sipas parimit një antar një votë, me një debat të hapur,të ndershëm dhe të barabartë, gjëja më e lehtë do ishte të largohesha.
(XH.A/SHUPLAKA)
