Këshilltarët e Partisë Demokratike në Bashkinë e Tiranës vazhdojnë të kundërshtojnë planin urbanistik të qyetit që pritet të miratohet sot. Nga ajo që është mësuar sot, ajo që e mban peng miratimin e këtij plani përveç Partisë Demokratike që e ka shprehur mendimin e saj kundër, është edhe LSI që është shfaqur disi kontradiktore në qëndrimet e saj.
Më parë gjatë ditës së sotme LSI kishte kërkuar që seanca e sotme të ishte e hapur për qytetarët dhe se plani ka akoma çështje që duhet të diskutohen në bazë të gjerë.
Ndërkohë që një kërkesë e hapur i është bërë LSI nga një prej këshilltarëve demokratë Akil Kraja. Ai i ka bërë kërkesë LSI-së që të votojë kundër në mënyrë që të ketë edhe një muaj kohë për marrjen e këtij vendimi.
‘’I bëj thirrje LSI së që të japë një muaj kohë për Tiranën nuk ka nevojë për ka shumë urgjencë. I bëj thirrje ndërgjegjes suaj në rast se ju ka mbetur pak turp’’, është shprehur Akil Kraja.
Nuk dihet ende vendimi përfundimtar që do të marrin përfaqësuesit e LSI-së. (E.K/SHUPLAKA)
