“E kanë ditur të gjithë”. Kështu u shpreh kryeministri Edi Rama teksa u pyet lidhur me lajmet për financimet ruse ndaj Partisë Demokratike.
Rama tha se duhej të kërkohej falje ndaj të gjithë personave që e denoncuan më herët një rast të tillë ndërsa theksoi se Berisha dhe të gjithë të tjerët brenda PD kishin dijeni për këto financime ruse.
Rama: Njerëzit që në atë kohë i vunë gjoksin Lulzim Bashës, sot flasin për softuare të humbur. Provat janë aty, çështjet janë aty. Sot është dita për t’i kërkuar ndjesë, Ballës, Braçes, Spiropalit dhe Sorosit që u përdor siç përdoret për histori të tjera, edhe pse nuk ka pasur lidhje me këtë çështje.
Pyetje: Po ju keni paguar 80 mijë dollarë për foton me Obamën?
Rama: Unë nuk kam paguar kokërr leku me presidentin Obama dhe këtu bëhet fjalë për një financim ilegal të një partie politike. E vetmja parti politike e financuar në një rrugë që lidh Shqipërinë me Rusinë është PD. Ky financim ka qenë i ditur dhe i mbrojtur nga të gjithë që nga non-grata i madh dhe Luli i shkretë.
