“PD na diskriminoi, largohu”, POR Adriatik Alimadhi i “Ballit” nuk tërhiqet nga lista e Vlorës

Kandidati i gjashtë i PD-së për Vlorë, Adriatik Alimadhi, nuk do të tërhiqet nga lista e kandidatëve për deputetë për këtë qark. Burime për “Shuplaka” shprehen se kandidati i gjashtë në rradhët e demokratëve për Vlorën, do të vazhdojë të jetë pjesë e listave.

Ky është vendimi i Alimadhit pavarësisht kërkesës së degës së partisë “Balli Kombëtar” që i kërkoi drejtuesit të saj të tërhiqej nga gara për deputet për shkak se renditja e tij si i gjashti në listë nuk është korrekte dhe shfaq diskriminim.

Sa i përket listës së kandidatëve demokratë për Vlorën, “Shuplaka” bëri me dije ditën e sotme se Arben Ristani është emri që po lakohet për një tërheqje nga lista.

Deklarata e plotë e partisë Balli Kombëtar:

Drejtuar: Kryetarit te Partise Balli Kombetar Z. Adriatik Alimadhi.

I nderuar kryetar, duke respektuar kontributin tuaj, qendrueshmerine tuaj dinjitoze ne perputhje te plote me programin dhe statutin e partise ne si Partia e Ballit Kombetar dega Vlore kemi vleresuar dhe ne menyre te ndershme dhe dinjitoze ju kerkojme te terhiqni kanditaturen tuaj per deputet ne qarkun e Vlores me renditjen i gjashti ne kete liste, jo korrekte nga partia demokratike dhe kryetarit te saj z. Basha.

Kryesia jone duke analizuar dhe pare listen e kandidateve per deputet ne qarkun Vlore nuk mund te pranoje renditjen e saj pas PBDNJ-se dhe z. Tahiri.

Duke ju referuar rezultateve ne qarkun e Vlores partia Republikane e Mediut ka 1100 vota ne vitin 2013 ndersa ne kemi 3400 vota me gjithe vjedhjen e votave qe na i bene komisioneret dhe numeruesit e partise demokrarike sa na vodhen edhe mandatin e deputetit ne vitin 2013.

Jemi te pavleresuar nga z. Basha dhe nuk lejojme askend te na marre neperkembe dinjitetin tone aq me keq te Partise Balli Kombetar qe e kemi lare me gjak te paster nacionalistesh.

Ndihemi te diskriminuar prej tij dhe partise demokratike. Besnikeria dhe fisnikeria, kontributi yne nuk u vleresua historikisht per keto 27 vite fale kjo edhe frrymes se bashkpunimit qe ne kemi dhene pa hile ne te mire te shqiperise dhe shqiptareve.

Ju kujtojme se partia e Ballit Kombetar eshte vlere kombetare dhe kurresesi ajo nuk mund te neperkembet.

Kerkojme identitetin tone para Shqiperise dhe shqiptareve, nuk perlyhemi dhe as shitemi.

Do ishte ne nderin e Ballit Komebtar z. Alimadhi qe te terhiqni emrin nga lista e turpit te z. Basha.

Me respekt

Dega e partise Balli Kombetar Vlore

Ne emrin e kryesise

Kryetar

Ridvan Mersinaj

Presim reflektimin dhe qendrimin tuaj!”