PD paralajmeroi nderprerje te marredhenieve me Kuvendin, Spiropali anulon Konferencen e Kryetareve

Kryetarja e Kuvendit, Elisa Spiropali, ka anuluar Konferencën e Kryetarëve pasi Grupi i PD paralajmëroi se do të ndërpresë çdo marrëdhënie institucionale me mazhorancen në Kuvendin e Shqipërisë.

Mbledhja që ishte parashikuar të hënë, do të zhvillohet në një moment tjetër, ndërsa ende nuk ka një datë.

Kujtojmë se kreu i Grupit të PD-së Gazment Bardhi tha sot në një konferencë për media se ndërprerja e marrëdhënieve me shumicën socialiste në Kuvend, vjen si pasojë e dënimit të deputetit Ervin Salianji me një vit burg për kallëzim të rremë.

Vendimi:

PËR ANULLIMIN E MBLEDHJES TË KONFERENCËS SË KRYETARËVE, DATË 30.9.2024, ORA 12:30

Në mbështetje të nenit 7, pika 6, të Rregullores së Kuvendit,

URDHËROJ:

1. Anullimin e mbledhjes së Konferencës së Kryetarëve të thirrur në datën 30.9.2024, ora 12.30.
2. Mbledhja e parashikuar për tu zhvilluar më datë 30.9.2024, do të zhvillohet në një datë të mëvonshme.
3. Ngarkohen shërbimet e Kuvendit për shpërndarjen me anë të postës elektronike zyrtare të urdhrit për anullimin e mbledhjes për anëtarët e Konferencës së Kryetarëve.
4. Ky urdhër hyn në fuqi menjëherë.