Gjatë protestës së sotme e cila po zhvillohet ndërkohë përballë Drejtorisë së Policisë, nga opozita kundër qeverisë pas shoqërimit të mbi 100 personave në protestën e djeshme dhe dhunimit të Sekretarit Organizativ të Partisë Demokratike Sahit Dollapi, në një reagim të tij Gazmend Bardhi është shprehur se policia është dhunuesja më e madhe e të drejtave të qytetarëve duke e cilësuar reagimin e saj të paligjshëm, politik dhe kriminal. Madje Bardhi ka bërë me dije se PD është duke u pregatitur të kryej një kallëzim për drejtuesit e policisë.
“Reagim i paligjshëm, politik dhe kriminal. Policia është dhunuesja më e madhe e të drejtave dhe lirive të qytetarëve. Qytetarët janë të burgosur pa asnjë faj dhe në mënyrë të paligjshme.
Janë duke u përgatitur kallëzimë për të gjithë drejtuesit e policisë që po dhunojnë të drejtat e qytetarëve. Drejtuesi i policisë së Tiranës është një kriminel me uniform dhe militant partie. Fund i tij do të jetë i njëjtë me atë të Edi Ramës.”
Po ashtu në një intervistë për Fax News ish-deputeti Petrit Vasili ka folur në lidhje me protestën e sotme duke u shprehur se ”dhjetra qytetarë janë shoqëruar edhe kur kanë qenë duke pirë kafe dhe jo më në protestë.”
I pyetur në lidhje me një padi të mundshme ndaj Ramës apo policisë Vasili shprehet se: Si mund të ketë tjetër padi më të madhe ndaj Ramës dhe qeverisë sesa prezenca e këtyre qytetarëve dhe insistimi i tyre nga dëshira dhe domosdoshmëria për largimin e zotit Rama.
Ndërsa përsa i përket një afati të mundshëm të kohëzgjatjes së protestës, ish deputeti nuk ka dhënë detaje, por është shprehur se: “Do të na ndiqni në vijim, ne jemi nën vëzhgimin e kamerave tuaja të “palodhura”. Ora, minuti janë të parëndësishëm në raport me mesazhin që jep kjo protestë.”
Discussion about this post