Mesa duket marrëveshja mes PS-PD ka filluar të aplikohet dhe në pushtetin lokal. Kështu ato janë bërë bashkë për të shkarkuar një këshilltar të Bashkisë në Gjirokastër që i përkiste LSI-së.
Shkarkimi i Bashkim Tolës është argumentuar nga PD dhe PS se është bërë pasi përpos detyrës si këshilltar ai ishte zgjedhur edhe drejtori i Ndërmarrjes së Ujësjellës Kanalizimeve në Gjirokastër.
Duke qenë në konflikt interesi PS depozitoi kërkesën në këshillin e mandatave për ta shkarkuar pak ditë më parë dhe sot nisma është konkretizuar edhe me votat e PD.
Në mbledhje nuk kanë marrë pjesë këshilltarët e LSI, pasi kanë qenë kundër këtij vendimi. Këshilli i bashkisë drejtohet nga PS, ndërsa bashkia nga LSI.
Kujtojmë se qarku i Gjirokastrës është një nga më të luftuarit sa i përket këtyre zgjedhjeve ku të gjitha sondazhet tregojnë se LSI-ja është rritur ndjeshëm.
(E.K/SHUPLAKA)
Discussion about this post