Kolegji Zgjedhor ka marrë sot një vendim në favor të LSI-së. Kështu në grupet e numërimit të votave LSI-ja do të ketë përfaqësuesin e saj, ndërkohë që në KQZ do të duhet të rihidhet shorti për të vendosur mes PDIU-së dhe PR-së.
Tashmë sipas përfaqësuesve të KQZ-së mazhoranca do të ketë në disa grupe të numërimit të votave 3 përfaqësues të saj.
Nga ana tjetër Manjani deklaroi se vendimi i Kolegjit çoi në vend një çmenduri të KQZ-së.
”Ishte një kthim në shtratin ligjor, shtrat nga i cili kishte dalë KQZ e ndikuar dhe nga marrëveshja e famshme. Kolegji e riktheu çështjen në shtratin ligjor.
Jam shumë i kënaqur që e rikthyem çështjen në bazën e saj ligjore. Ligji thotë që Partitë duhet të propozojnë numëruesin. Numëruesit që i takojnë LSI-së do të bëjnë detyrën e tyre që të jenë garant i votës. Dua tiu bëj thirrje dhe juve që të shtoni kohën e monitorimit të KQZ-së.
Këto janë kriteret që nuk i interesojnë opinionit publik. Unë nuk kam dalë që të bëj fushatë elektorale këtu, jemi para Kolegjiot Zgjedhor këtu”, deklaroi Manjani.
Kështu në katër vende në Komsionet e numërit të votave do të ndahen:
1 numërues PS
1 numërues PD
1 numërues LSI
Numëruesi i katërt do të ndahet mes PDIU-së dhe PR-së.
Në këtë mënyrë pritet që kontestimi i partive pas publikimit të rezultateve të jetë më i ulët, ku duket se të gjithë janë duke monitoruar njëri-tjetrin.
(E.K/SHUPLAKA)
