Ditën e djeshme Partia Socialiste ka bërë publike listën e kandidatëve për deputetë në të gjithë qarqet e vendit, për zgjedhjet parlamentare të 18 qershorit.
Ka pasur plot surpriza nga kjo listë për faktin se disa emra të deputetëve aktualë nuk ishin më pjesë e tyre. Opozita, ashtu siç edhe ka deklaruar më herët, nuk është regjistruar në Komisionin Qendror të zgjedhjeve.
Por PD ka reaguar në një mënyrë në lidhje me listat e publikuara nga PS-ja. PD ka zgjedhur të publikojë një listë “kandidatësh” që është një listë që tregon gjendjen ekonomike të shqiptarëve.
Është kreu i departamentit të politikës së jashtme në PD, Kreshnik Çollaku, ai i cili ka publikuar në rrjetin social “Facebook” një listë të qytetarëve që kanë blerë ushqime me borxhe në dyqane.
“Ju tregoj, Listën e Opozitës përballe Rilindjes….për “zgjedhjet” e ardhshme”, shkruan Çollaku. (J.V/Shuplaka)
Discussion about this post