Nënkryetari i Partisë Demokratike Edmond Spaho ka sqaruar deklaratën e tij të pak orëve më parë në qytetin e Elbasanit, ku ka deklaruar se LSI dhe PDIU do të jenë parti në opozitë pas zgjedhjeve të 25 qershorit.
Spaho shprehet se ai nuk ka deklaruar se PDIU dhe LSI do jenë partitë e vetme opozitare, por që thjesht do jenë në opozitë dhe nuk ka mohuar që edhe PS do jetë gjithashtu parti opozitare. Madje sipas Spahos, partia e parë që do të dalë në opozitë është pikërisht PS-ja.
“Fake neës. Po qarkullon nje lajm sipas te cilit ne aktivin e PD ne Elbasan une paskam thene se LSI dhe PDIU do jene partite e vetme opozitare pas zgjedhjeve te 25 Qershorit. Teresisht e pa vertete. Ajo qe kam thene eshte qe LSI dhe PDIU do jene parti ne opozite dhe PD do fitoje dhe do te qeverise me aleatet e saj.
Ndaj te gjithe mbeshtetesit tane te dhunuar e mashtruar keto vite nga partite e pazarit te vjeter jane te lire tashme te rikthehen ne shtepine e tyre Partine Demokratike, partine qe do te fitoje zgjedhjet me koalicionin e saj opozitar dhe bashkimin per Republiken e Re. Natyrisht e para qe do dale ne opozite do jete PS dhe Edi Rama.”, deklaron Spaho. (D.D/Shuplaka)
Discussion about this post