Në seancën e sotme plenare u miratua shkarkimi i katër ministrave Saimir Tahiri, Ilir Beqaj, Blendi Klosi, dhe Bledi Çuçi, si edhe emërimi i ministrave të rinj Fatmir Xhafaj, Ogerta Manastirlliu, Olta Xhaçka dhe Eduart Shalsi.
Mirëpo Shpëtim Idrizi dhe Aqif Rakipi nga PDIU-ja, të cilët mbërritën në Kuvend vetëm pasi kishte mbaruar edhe shkarkimi i Tahirit dhe emërimi i Xhafajt.
Ata ia dolën të votojnë vetëm për emërimin e Xhaçkës dhe Shalsit. Ndërkohë kreu i Kuvendit Ilir Meta nuk ishte i pranishëm në seancën plenare, e cila u drejtua nga nënkryetarja Valentina Leskaj.
Mungesa e PDIU-së në Kuvend u lajmërua edhe mëngjesin e sotëm për shkak se nuk ishin të kënaqur me mosmarrëveshjen me kryeministrin Rama. Duhet thënë se Partia e Idrizit ka 5 mandate deputetësh në Parlament.
Nuk dihet ende saktësisht ora po pritet që Idrizi të bëjë një deklaratë për mediat ku të justifikojë këtë qëndrim të partisë së tij.
Vetë ai deklaronte nga Dibra ditë më parë se marrëveshja me Partinë Socialiste nuk është plotësuar as në 1 % e saj. (D.D/Shuplaka)
