Në orët e para të mëngjesit të sotëm është arritur marrëveshja mes Partisë Demokratike të Kosovës, Aleancës për Ardhmërinë e Kosovës dhe Nismës për Kosovën. Këto parti do të kandidojnë bashkërisht në zgjedhjet e 11 qershorit dhe për këtë kanë arritur bërë koalicion.
Partia Demokratike e Kosovës, Aleanca për Ardhmërinë e Kosovës dhe Nisma për Kosovën kanë bërë koalicion parazgjedhor. PDK, AAK e Nisma kanë arritur marrëveshje para mbylljes së afatit për koalicion në KQZ.
Sipas Ekspress i pari që e ka dhënë lajmin se është arritur një koalicion i tillë, ka qenë ish-deputeti i PDK’së, Bekim Haxhiu. “Fillimi i ri – PDK-AAK-Nisma”, ka shkruar deputeti në Facebook.
Duhet të theksojmë që deri më tani, Partia Demokratike e Kosovës, ka lidhur koalicion me disa parti të vogla, si PD, PSDHK, Lëvizja për Bashkim dhe disa parti të tjera. Kurse, pak minuta më parë lidhja Demokratike e Kosovës dhe Aleanca Kosova e Re kanë bashkuar forcat për zgjedhjet e parakohshme që do të mbahen më 11 qershor. (J.V/Shuplaka)
