Është arritur një marrëveshje për zgjedhjet e 2017-tës mes dy partive të majta LSI-së dhe PDS-së. Në përfunsim të takimit kreu i PDS-së Paskal Milo dhe kreu i LSI-së Petrit Vasili u shprehën se kjo marrëveshje do të jetë afatgjatë.
Kjo marrëveshje konsiston që LSI-ja të garantojë votat e PDS-së edhe në qendrat e votimit. Milo u shpreh i keqardhur që afatet për koalicione nuk janë rihapur në mënyrë që kjo marrëveshje të ishte dhe më efikase.
‘’Ne nënshkruam një marrëveshje bashkëpunimi me PDS-në. Kjo vjen në një moment të rëndësishëm, me marrëveshjen tonë kemi në themel integritetin politik të PDS-së, raportin e saj për zgjedhje të lira dhe të ndershme, për pjesëmarrjen në procesin zgjedhor në përputhje me ligjin.
Ku LSI dhe PDS do të bashkëpunojnë dhe përtej zgjedhjeve, do të ketë qëllim dhe administrimin e plotë. Do të jemi garant për votat e PDS-së dhe në qendrat e votimit’’, u shpreh Vasili.
Kujtojmë se pas marrëveshjes së 18 Majit mes Ramës dhe Bashës Partitë e vogla duket se janë dëmtuar mjaft. Kjo për shkak se nuk janë rihapur afatet për koalicione, dhe në sajë të Kodit Zgjedhor të vegjlit futen në disavantazh në zgjedhje.
(E.K/SHUPLAKA)
