Denoncon fort lejet e ndërtimit në Tiranë, por pedagogu Ervin Goci i kujton kryebashkiakut Erion Veliaj se në vetëm 12 muajt e fundit ka dhënë plot 106 leje ndërtimi.
”Lali në një dalje mëngjezore bombastike te Bashkim Hoxha, pak a shumë denoncoi rëndë Lejet e Ndërtimit të dhëna pa kriter, të cilat duke rritur densitetin kanë pakësuar sasinë e ujit për frymë. Ka të drejtë, e mbështes..thjesht harroi të shtonte që vetëm 12 muajt e fundit ka dhënë 106 Leje të reja ndërtimi, duke shtuar akoma më tepër densitetin.
Po 500-600 mijë banorët e rinj që do sjellë në Tiranë me Planin e ri të Përgjithshëm të Tiranës, me çfarë do ua lagësh buzët?! Mad Lali Max”, shkruan pedagogu.
Para disa ditës Veliaj inauguroi sheshin ”Skënderbej”, rikonstruksioni i të cilit, duke shtuar një parkim ndeshi në kundërshtime nga personazhe publikë.
Së fundmi, një leje nga Bashkia e Tiranës është dhënë për zonën e ish-Parkut të Autobusëve ku më parë Veliaj kishte premtuar shndërrimin e saj në një zonë çlodhëse. (V.G/SHUPLAKA)
