Pedonalja e Shkodrës është shndërruar në një thertore të vërtetë, pasi koka të prera bagëtish janë hedhur aty që mbremjen e kaluar.
Qytetarët, të cilët kanë kaluar pranë Pedonales janë lemeritur nga pamjet e tmerrshme të mishit të hedhur, i cili nuk dihet se si ka përfunduar në një nga zonat më të frekuentuara të Shkodrës.
Pamjet e rënda kanë krijuar shqetësime te banorët. Ata ankohen se nëse nuk merren urgjentisht masa nga bashkia, mishi i mbetur mund të bëhet rrezik për qytetarët pasi nuk dihet se çfarë sëmundje mund të përmbajnë.
