Zv/kryeministri Peleshi u shpreh sot nga Korça se zgjedhjet që po vijnë do të jenë më të mirat në 27 vjet demokraci. Po ashtu ai tha se nuk kanë përgjegjësi politike si PS nëse partitë e tjera nuk kanë ofertë për zgjedhjet.
“Për ne si Parti Socialiste ditët do jenë të qeta deri me 18 Qershor sepse jemi partia nëqeverisje dhe në respektim të kushtetutës sepse respektojnë datën e zgjedhjeve. Kemi dy sfida të mbeshtesim atë proces zgjedhor që do të jetë më i miri në 27 vite, dhe tu tregojmë shqiptarëve se çfarë kemi bërë dhe se cfarë mund të bënim më mirë ose më shumë. Shqipëria ka nevojë për më shumë vende pune por në këto katër vite kemi shtruar rrugën përmes konsolidimit të shtetit ligjor dhe reformave për të ecur me shpejtësi në rrugën e punësimit. Këtë e sjellim si ofertë në zgjedhje. Nëse partitë e tjera brenda apo jashtë koalicionit kjo ka pak rëndesi në të gjithë spektrin politik nuk kanë ofertë për zgjedhjet kjo nuk është përgjegjësia jonë, përgjegjësia jonë është që të krijojmë të gjitha kushtet që cdo parti që ka një ofertë që ka dicka për të thënë në këmbim të votës që do u kërkojë shqiptarëve, ta ushtrojë këtë të drejtë lirisht”,- tha Peleshi.
Ai shtoi se kjo qeveri është legjitime dhe e cilësoi kërkesën e opozitës absurde për një qeveri teknike.
“Kemi nje qeveri legjitime që ka ardhur me votën e popullit, qeveria vjen dhe ikën përmes votëbesimit të popullit dhe votëbesimit në parlament, nëse një nga këto ka rënë na duhet të presim datën e zgjedhjeve qe të provojmë se kë mbështesin shqiptarët dhe parlamenti ka të drejtën e vet të mandatohet pro apo kundër kësaj qeverie. Ne kemi një qeveri legjitime që nuk ka asnjë arsye t’i lëreë vendin një qeverie tjetër e cila në fakt vjen si një kërkesë absurde e opozitë që pa dashur të jem negativist është më tepër një pretekst sesa një kërkesë racionale.Ka një rregull shumë të thjeshtë në demokraci, demokracia ka në themel të vet votën. Nësë partia socialiste votëbesohet për të vazhduar punën edhe katër vitet e tjera për këtë ne nuk mund të shtiem fall nuk mund te shohim filxhanin e asnje lloj kafeje dhe asnje lloj institucioni por duhet te presim filxhanin e 18 Qershorit”,- u shpreh Peleshi. (M.D/ Shuplaka)
