Rreth orës 14:30 është kryer një pengmarrje ndaj shtetasit Dodë Gjoka, 35 vjeç . Pengmarrja dyshohet se ka ndodhur pasi 35-vjeçari është dhunuar fizikisht nga 3 shtetas të tjerë.
Dodë Gjoka është marrë peng pranë një lokali në aksin rrugor “Lezhë-Milot”.
Ndërkaq, policia menjëherë ka ndërmarrë ngritjen e pikave të kontrollit për kapjen e autorëve të pengmarrjes.
Pikat e kontrollit janë ngritur në aksin rrugorë drejt Tiranës, Shkodrës dhe Kukësit.
Dodë Gjoka më pas është liruar nga pengmarrësit, duke e zbritur 35-vjeçarin nga automjeti dhe aktualisht po merr ndihmë mjekësore në spitalin e Lezhës.
Njoftimi i policisë:
Lezhë/Informacion paraprak
Rreth orës 14:30, në vendparkimin e automjeteve të një lokali në aksin rrugor “Lezhë-Milot”, dyshohet se gjatë një konflikti fizik, tre shtetas kanë dhunuar dhe më pas kanë marrë me forcë me automjet, shtetasin D. Gj., rreth 35 vjeç, banues në Lezhë.
Menjëherë pas marrjes së njoftimit, shërbimet e Policisë së Lezhës kanë ngritur pika kontrolli në përimetrin rrethues dhe në akset lidhëse, me qëllim kapjen e autorëve, të cilët janë identifikuar nga Policia, konkretisht shtetasit K. P., B. V. dhe Xh. E., të tre banues në fshatin Tresh.
Gjithashtu, u ngritën pika kontrolli në akset rrugore drejt Tiranës, Shkodër dhe Kukësit.
Si rezultat i reagimit të menjëhershëm të Policisë dhe të gjendur nën presionin e kontrolleve intensive të Policisë, autorët dyshohet se e kanë zbritur nga automjeti, shtetasin D. Gj., i cili aktualisht po merr ndihmë mjeksore në spitalin e Lezhës dhe është jashtë rrezikut për jetën.
Grupi hetimor, në drejtimin e Prokurorisë, po punon për sqarimin e rrethanave dhe dokumentimin ligjor të rastit.
Ndërkohë, vijojnë kontrollet intensive për kapjen e autorëve.
