Jo vetëm në Shkozë të Tiranës, por edhe në Elbasan po prishen disa shtëpi të cilat janë të palegalizuara.
Prishja e ndërtimeve ka nisur që prej disa ditësh nga Inspektoriati i Ndërtimit në Bashkinë e Elbasanit, por shpjegimi është se ato pengonin investimet. Të paktën e një pjese prej tyre.
Sipas bashkisë, objekt i prishjes janë ndërtimet që zënë hapësirat publike, që pengojnë investimet ose që nuk janë legalizuar nga ALUIZNI.
“Do të prishen të gjitha ndërtimet që bëhen pengese për investimet publike dhe të tjerat që nuk janë legalizuar”, është shprehur drejtori i Inspektoriatit Ndërtimor në Bashkinë e Elbasanit, Leli Kaja.
Media lokale infoelbasani, ka publikuar edhe pamjet nga prishja e ndërtesave në qendër të qytetit ditën e sotme. Vetëm një ditë më parë janë prishur edhe rreth 40 ndërtime pa leje pranë Llixhave në këtë qytet. (D.D/Shuplaka)
Discussion about this post