Me 15 tetor të këtij viti Giuseppe Conte vizitoi Shqipërinë nga ku u prit edhe me protestën e disa pensionistëve të cilët i kërkonin shefit të qeverië italiane njohjen e viteve të punës që kishin bërë në shtetin fqinjë përmes regjisttrimit në sigurimet shoqërore.
Ndërkohë në takimin e sotëm mes kryeministrit shqiptar Edi Rama dhe atij Italian Giuseppe Conte është diskutuar edhe kjo çështje.
Mësohet se Rama tha se shqiptarët janë contributor të mëdhenj në pagesën e sigurimeve shoqërore ndërsa ka lajmëruar nisjen e bashkëpunimet mes dy vendeve për të arritur në një marrëveshje të përshpejtuar
“Në Itali janë gjysmë milioni shqiptarë dhe 31 mijë prej tyre janë titullarë kompanish private. Ashtu sikundër, afro 300 mijë prej tyre kontribuojnë në arkën e shtetit italian dhe nga ana tjetër 115 mijë fëmijë mësojnë në shkollat italiane, si dhe 10 mijë studentë shqiptarë në universitetet italiane, ku janë më të mirët ndër studentët e huaj, gjë që ma konfirmoi edhe Kryeministri në cilësinë e profesorit të universitetit që ka patur mundësi t’i njohë nga afër studentët shqiptarë.
Për këto arsye, mendoj se meriton të falënderohet Kryeministri dhe Italia mike, për jo vetëm fjalët, por edhe veprat kuptimplota në drejtim të integrimit të plotë të shqiptarëve në Itali. Ashtu sikundër meriton të çmohet dhe të futet në rrugën e zgjidhjes çështja e sigurimeve shoqërore të kësaj mase të madhe kontributorësh në shtetin italian. Më vjen shumë mirë që bashkëpunimi i nisur në këtë drejtim është konfirmuar nga Kryeministri dhe ne do të vazhdojmë dhe do të përshpejtojmë përpjekjet për ta përmbyllur këtë marrëveshje, që ka një rëndësi të madhe për ekonominë e këtyre familjeve, për dinjitetin e këtyre njerëzve, por edhe për miqësinë tradicionale mes dy popujve tanë”, tha Rama.
Pensionistët i kërkuan Contes në Tiranë të njoh kontributet shoqërore që kanë derdhur për periudhën që punonin në shtetin Italian, ku deklarojnë se kanë paguar sigurime, por nuk u janë njohur vitet e punës.
Për pasojë, ata që marrin pension në Shqipëri, e kanë përfituar në mënyrë të përgjysmuar për shkak të mungesës së deklaruar të viteve të punës përgjatë kohës që kanë qenë emigrant dhe të punësuar në kompanitë italiane.
“Tashmë kam paguar 350 mijë euro taksa në shtetin Italian. Unë kam këkuar ose kthimin e parave që kam paguar ose të më japin pension. Janë qindra mijëra shqiptarë që paguajnë taska në shtetin Italian. Kam 23 vite e 4 muaj punë, nuk marr pension as në Shqipëri as në Itali. Këtu duhet të pres moshën 65-vjeç për të marrë 120 mijë lekë sepse nuk të japin më shumë, e si t’ia bëj unë kur kemi gjithë ato fatura dhe taksa p[ër të paguar. Shteti Italian ka bërë të pamundurën për shtetasit e vet që janë emigrant nëpër botë, ndërsa që dëshiron për të marrë me dhënë nuk jep. Pse sillet me ne në këtë mënyrë, pse nuk ia bën një francezi apo gjermani. Edhe me malin e Zi, Maqedoninë e Veriut dhe Korenë e Jugut e kanë një marrëveshje, vetëm me ne sillen kështu. Shteti Italian sillet si I forti që bën ligjin ndaj të fortit”, tha njëri nga pensionistët për Fax News.
(F.GJ/FAXWEB.AL)
