Gjatë takimit elektoral të zhvilluar në Rrogozhinë, kryetari i Partisë Demokratike, Lulzim Basha, mori konfirmimin e votës edhe nga një pensionist socialist, i njohur në Rrogozhinë, i cili i tha se kësaj here do t’ia japë votën.
Në argumentin e tij, i moshuari u shpreh se pensioni nuk i dilte dhe e kishte tërhequr plani i Bashës për ta rritur e çuar në 250 mijë lekë të vjetra në muaj pensionin. Ai u ankua se pavarësisht se ka punuar gjithë jetën merr vetëm 60 mijë lekë të vjetra në muaj.
Pensionisti: Do ta jap votën…
Basha: E ke ndarë mendjen? Edhe socialistët e tjerë… Do i thuash edhe vëllait tënd? Po edhe të tjerëve… Ju socialistë jeni, por shihni interesin tuaj. Një palë i ka bërë lekët rrush e kumbulla.
Kujtojmë se ky nuk është rasti i vetëm kur përfaqësues të një force politike kanë arritur të marrin mbështetje nga qytetarë me pikëpamje të kundërt politike nga ajo që ata përfaqësojnë. Kujtojmë se vetëm pak kohë më parë, kryeministri Rama tregoi se sa shumë iu desh të bindte një demokrat të moshuar që t’ia jepte atij votën.
(XH.A/SHUPLAKA)
Discussion about this post