Një bombë ka vënë në rrezik skuadrën e njohur gjermane Stuttgart. Bomba është gjendur në kompleksin stërvitor dhe si rezultat janë pezulluar të gjitha aktivitetet sportive.
Sipas mediave gjermane, Stuttgart kishte planifikuar të bënte disa ndryshime, për të rindërtuar terrenet sportive dhe kishte filluar gërmimi për të ndryshuar edhe bari në një prej fushave të kësaj qendre stërvitore.
Mirëpo në një thellësi jo shumë të madhe, gjendej një bombë e pashpërthyer që nga Lufta e Dytë Botërore. Bomba ishte e rëndë 50 kilogramë, e lëshuar nga avionët amerikanë gjatë bombardimeve të Luftës së Dytë Botërore.
Sipas mediave gjermane, bomba kishte qëndruar atje prej më shumë se 70 vitesh, por për fat të mirë nuk kishte shpërthyer. Për dekada me radhë aty stërvitej ekipi i Stuttgardit dhe nëse bomba do kishte shpërthyer do kishte rezultuar fatale. (D.D/Shuplaka)
Discussion about this post