Për zjarrin e ndodhur sot në kryeqytet tek rruga e Elbasanit ka folur Drejtori i Zjarrfikëses. Sipas tij për shuarjen e këtij zjarri janë angazhuar 20 punonjës të zjarrfikëses tek rruga e Elbasanit.
“Na është bashkuar stacioni i Qytet Studentit dhe i Qendrës. Njoftimin e ka bërë një vajzë dhe ne kemi mbërritur në vendngjarje për 7 minuta. Pa përfunduar hetimet nuk themi dot shkaqet. Ju bëj apel qytetarëve që të mos lenë paisjet ndezur e të jenë të kujdesshëm”, është shprehur drejtori për Ora News.
Zjarr ka ndodhur në pallatin te Rruga e Elbasanit, mes Televizionit Publik Shqiptar dhe Liceut. Flakët kanë përfshirë shtëpinë e Gazmend Demit, presidentit të Partizanit. Ndërkohë që në të njëjtin pallat, një kat më poshtë ndodhet dhe shtëpia e deputetit socialist Gramoz Ruçi dhe e gazetarit sportiv Dritan Shakohoxha.
Sipas banorëve që ndodhen pranë këtij pallati mendohet që banesat e Ruçit dhe Shakohoxhës nuk janë prekur nga ky incident. (J.V/Shuplaka)
Discussion about this post