Pas protestave që u zhvilluan ditën e djeshme në Tiranë për vdekjen e 23-vjecarit Florenc Beqiraj, ditën e sotme protesa është zhvendosur në Shkodër. Të rinj, miq të Florencit dhe përfaqëues të Komunitetit Egjiptian kanë marshuar sot në rrugët e Shkodrës.
Ata me thirrjet e tyre kërkojnë largimin e ambasadorit shqiptar në Francë. Vdekja e të riut shkodran mbart me vete një sërë misteresh, teksa autoritetet franceze thonë se ai ka vrarë veten, ndërsa familjarët e kanë gjetur atë me plagë në trup.
Po ashtu në familjen e të riut kanë shkuar sot kryetarja e Bashkisë së Shkodrës Voltana Ademi si dhe deputeti demokrat Bardh Spahia për të shprehur ngushëllimet e tyre për familjen.
Ademi dhe Spahia i kanë bërë thirrje shtetit që të reagojë dhe të zbardh të vërtetën për këtë ngjarje të rëndë.
(E.K/FAXWEB)
