Kreu i opozitës Lulzim Basha ka komentuar për herë të parë listat e 18 qershorit. Sipas Bashës, Rama ka futur në listat kandidatë për deputetë dhe 7 vjeçare dhe kjo është një lojë shahu.
“Thirrje mendjes kur artikulon ëndrrat diktatoriale sepse po të vjen fundi o diktator. Vëllezër dhe motra ai e konsideron këtë një lojë shahu dhe pokeri, këto halle që ju keni. Hallet Edi Rama nuk i sheh sepse për ata pushteti ka vetëm një qëllim, axhendën e pasurimit. Për të gjithçka është një lloj shahu. Kush e tha ai apo unë, unë i kam thënë që është një teatër kukullash, teatër kukullash apo lojë shahu, ai i sheh miqtë tanë si gur shahu. Sigurisht që jo, sepse kjo nuk është lojë, kjo lëvizje nuk është lojë, hallet tuaja nuk janë lojë dhe republika e re që po vjen nuk është lojë. Pse e shikon si lojë shahu Edi Rama? Le t’ju themi disa detaje të tjera edhe sot se ka edhe njerëz me stomak të dobët këtu, xhaxha mos e mbaj te barku se të bën keq. Pse e shikon si lojë shahu? Se për të njerëzit janë statisitika , janë gurë shahu për të bërë pasurinë e vetes së tij. Shiko ca bëri me sistemin monist të 18 qershorit, pasi e futi shtetin në kolaps ligjor, listat i futi me 24 orë vonesë. Afati ka kaluar dhe 18 qershori është i rrëzuar sepse është jashtë ligjit. A i keni parë listat e partive që kishin futur gjithë fisin, turp pastë. Po partitë e tjera që nuk kishin futur kandidatë as me shkollë të mesme a i patë apo jo? Kjo nuk është arsyeja sepse në ato lista kishte njerëz me 7 vjerçare, por ne luftojmë për republikën e re.”, u shpreh Basha.
Discussion about this post