Ministri teknik i vendosur në krye të Shëndetësisë, Arben Beqiri, ka dalë sot për herë të parë në një konferencë për mediat.
Në këtë dalje të parë të tij, ai ka folur mbi kërcënimet që industria e duhanit paraqet në Shqipëri, përfshirë mirëqënien dhe shëndetin e qytetarëve. Gjatë fjalës së tij, ministri Beqiri u ndal tek zbatimi i ulët i ligjit për duhanin në vend dhe nevojën për përafrimin e ligjit të duhanit.
“Ligji i duhanit ka pengesa që frenojnë zbatimin e tij. Zbatimi i ligjit të duhanit në Shqipëri është i ulët, ka nevojë për përafrimin e ligjit për duahnin. Nuk ka mekanizma që ndalojnë përdorimin e tij. Nevojitet që në Shqipëri të sjellim eksperiencën botërore, nuk duhet të jemi në këtë çështje një hap para dhe dy hapa pas.”, mësohet të jetë shprehur ai ndër të tjera.
Konferenca u mbajt në kuadër të Ditës Botërore pa Duhan 2017, që sivjet shënohet me temën: “duhani – një kërcënim për zhvillimin”.
(XH.A/SHUPLAKA)
