Kryeministri Edi Rama, pasditen e sotme, ka dalë në një konferencë për shtyp, për të folur mbi vendimin e Këshillit të Europës për shtyrjen e negociatave të vendit tonë me BE-në.
Rama u shpreh shumë mirënjohës ndaj liderve të BE-së dhe gjithë ministrave të Jashtëm të shteteve anëtare që kanë ndihmuar Shqipërinë në këtë proces.
Më tej Rama shtoi se vendin tonë në vjeshtë do ta vizitojë për herë të parë një president i Francës.
“Kam kënaqësinë të shtoj këtu, nëse diçka e paparashikueshme nuk do të ndodhë, këtë vjeshtë Shqipërinë do ta vizitojë për herë të parë një President i Francës. Dhe jam i bindur që pasi ta shohë me sytë e tij këtë vend, lidhja jonë do të bëhet edhe më e fortë, dhe roli i Francës në Shqipëri e Ballkan do të rritet”, ka thënë Rama.
(M.Q/Faxweb.al)
Discussion about this post