Adelina Ismaili dhe bashkëshorti i saj Val Krasniqi kanë folur për herë të parë pas lindjes së djalit. Në një prononcim për “Revista Who”, këngëtarja kosovare është shprehur: “Jemi më të lumtur se kurrë më parë, sot gjithçka mori kuptim”.
Ndërkohë çifti i famshëm kanë zbuluar edhe emrin që kanë zgjedhur për djalin. I vogli i parë i çiftit është quajtur Uliks, emër të cilin e ka zgjedhur pikërisht Vali.
Edhe më parë e kishin shprehur, por sot çifti i famshëm duket më entuziast se kurrë, sidomos tani që më në fund kanë mundësinë ta mbajnë foshnjën në krahë. Në një intervistë të tre muajve më parë lidhur me shtatzaninë e saj, Adelina është shprehur: “E kam parë në ëndërr që nga fillimi. Ka kaçurrela të zeza dhe është shumë beb energjik (qesh). Ka syçka të rrumbullakëta dhe faqe të kuqe. Do doja t’i ngjante Valit, Jo se nuk dua të më ngjajë mua, por jam shumë e sigurt që do të më ngjajë më shumë sesa duhet (qesh). Do doja të kishte sytë dhe qetësinë e Valit. Gjallërinë dhe buzëqeshjen time”.
Vetëm pak orë më parë, Vali ka publikuar një fotografi në llogarinë e tij në Facebook, e para foto e publikuar e fëmijës që sapo ka ardhur në jetë. Në foton e publikuar duken duart e të treve pjesëtarëve të familjes, Valit, Adelinës dhe të të voglit. (D.D/Shuplaka)
Discussion about this post