Në ceremoninë e inaugurimit të presidentit të ri amerikan Donald Trump, do të marrë pjesë edhe një Këshilltari i Presidentit për Mbrojtjen, Gjeneral Piro Ahmetaj.
Deputetë të ndryshëm të mazhorancës, e kanë akuzuar shpeshherë Ahmetajn si bashkëpunëtorë të ish-Sigurimit të Shtetit.
Kështu në nëntor të 2015-ës, Presidenti Bujar Nishani e pezulloi atë nga detyra.
Ahmetaj e çoi çështjen në Gjykatë dhe pas fitimit të Gjyqit, Nishani e riktheu edhe njëherë tjetër në detyrë.
Këshilltari I presidentit shprehet se ftesa për inaugurimin e Trump është personale.
“Ftesa për pjesëmarrje është personale, gjithsesi është e dedikuar për shkak të bashkëpunimit, kontributit dhe performancës në ushtrimin e detyrave të ndryshme zyrtare. Nga ana tjetër, duhet thënë po ashtu se nuk është “as llotari, as telebingo…“, por “privilegj në aspektin njerëzor, vlerësim në udhëtimin profesional dhe përgjegjshmëri për adresimin e lidhjeve që kam/janë krijuar për shkak të ushtrimit të funksioneve, në interes të forcimit të partneritetit strategjik midis dy vendeve”, tha Ahmetaj për një të përditshme shqiptare.
Sakaq, Ahmetaj tregon se ftesa është siguruar nga disa personalitete të fushës së sigurisë, me influencë në Senatin dhe Departamentin e Mbrojtjes të SHBA. (D.D/Shuplaka)
