Për një muaj vendi pa kryeministër mbrëmjeve, Edi Rama e ka marrë seriozisht ironinë sportive

Kryeministri Edi Rama duket se për një muaj me rradhë do ta marrë pushim nga punët e shtetit, sa të mbarojë Botërori.

Kjo për shkak se pas çdo ndeshjeje, atij i duhet të vërë trurin ‘në punë’ për të gjetur fotomontazhin më të mirë për ndeshjen që mbyllet.

Këtë ka bërë edhe dje numri një i qeverisë, pas përballjes së mbrëmjes mes Brazilit dhe Zvicrës së shqiptarëve.

Ai ka postuar një fotomontazh ku shihet Arben Ahmetaj dhe Taulant Balla që bëjnë tifo për seleçaon dhe nga ana tjetër është vetë Rama që i bie kokës me grusht.

Nuk dihet se përveç ca të qeshurave, cili ka qenë mesazhi i kreut të qeverisë. Po mund të themi se me fantazinë nuk është fare keq, saqë me mendje i ndali penalltinë Lionel Mesit duke u vënë në vendin e portierit.

(E.K/FAXWEB.AL)