“Për popullin tim jam ujk, jo dele”, protestuesi i veshur si ushtar: Rama tha se jemi në luftë, erdha por nuk gjeta armiq

Njëri prej protestuesve para kryeministrisë, ka marrë fjalën në podiumin e ngritur dhe për të justifikuar arsyen e veshjes së tij si ushtar, tha se kishte ardhur pasi kryeministri kishte deklaruar se ishim në luftë.

Më tej i kërkoi Ramës që nëse nuk arrinte të zgjidhte situatën, të largohej nga posti.

Një prej protestuesve i veshur si ushtar: E ndoqa nga FB Ramën kur tha jemi në luftë. Unë erdha këtu por nuk po shoh armiq. Tha se do e kalonim krizën bashkë. I hypi çarterit dhe u largua. Nëse je burrë dil dhe përballu me ne. Nëse jo, mbath opingat dhe largohu. Ti je armiku këtu. Për të drejtat e popullit tim, unë jam ujk, nuk jam dele. Zgjidh këtë situatë ose jep dorëheqje.