Paraditen e kësaj të shtune, banorët e Xhafzotaj janë ngritur në protestë për shkak të mungesës së infrastrukturës.
Protestuesit kanë bllokuar rrugën Durrës-Shijak dhe nuk lejojnë qarkullimin e mjeteve ndërsa kërkojnë rregullimin e infrastrukturës.
Banorët kanë vendosur kazanët e plehrave në mes të rrugës duke mos lejuar makinat të kalojnë.
Kujtojmë që kjo nuk është hera e parë që banorët e kësaj zone ngrihen në protestë për infrastrukturën e rënduar të rrugës që lidh qytetin bregdetar të Durrësit me Shijakun.
Amortizimi i aksit nacional vetëm 5 kilometra i gjatë ka bërë që të kthehet në makthin e drejtuesve të automjeteve prej vitesh, por ende nuk është bërë ndërhyrja e nevojshme.
“Ruga nuk kalohet as me tanke as me gjë. Kur vijnë të bëjnë miting vijnë me helikopter. Na co një njeri që njëh kryetarin ebashkisë, apo përfaqësuesi jonë. Nuk njohim deputet as njeri. Kjo rrugë ka 20 vjet që nuk e ka riparuar njeri. Është akoma asfalti i Enver Hoxhës, dhe nuk është vënë dorë asnjëherë.”- u shprehën banorët për Fax News.
