Vota kundër SHBA-ve në rezolutën e OKB-së ka tronditur jo pak politikën e jashtme shqiptare. Nuk zgjodhëm të paktën një rrugë të mesme, ashtu siç vepruan 6 vende anëtare të BE-së, abstenimin. Kjo votë ka nxitur reagime të shumta brenda dhe jashtë vendit.
Për Endira Bushatin ky është një turp kombëtar dhe populli duhet që të dalëdhe të protestojë.
“Për votën e Shqipërisë sot në OKB, një popull i ndërgjegjshëm e me vetëdije kombëtare, del në rrugë…jo në facebook….
Vota si vendim okult i dyshes Rama-Bushati, jo vetëm është tradhëti ndaj interesit kombëtar, dhe mosmirënjohje për gjithçka SHBA kanë bërë për shqiptarët…
Por dhe nuk ka as logjikë diplomatike e juridike! Turp! Turpi bie mbi të gjithë ne!”,shkruan Endira Bushati.
Sipas sqarimit që bëri Ministria jonë e Jashtme pas votimit thuhej se Shqipëria i është përmbajtur qëndrimit të shumicës dërrmuese të vendeve të OKB-së.
“Vota jonë sot në Asamblenë e Përgjithshme të OKB-së reflekton pozicionin tonë të pandryshuar për këtë çështje. Shqipëria i është përmbajtur konsensusit ndërkombëtar mbi Jerusalemin, bazuar në një numër te konsiderueshme dokumentesh të OKB-së, përfshirë një numër rezolutash të Këshillit të Sigurimit, dhe i është bashkuar pozicionit të përbashkët të shumicës dërrmuese të vendeve anëtare të BE-së, duke i qëndruar koherente qëndrimit e saj te linjëzuar me Bashkimin Evropian”, – thuhet në komunikatën për shtyp. (E.K/FAXWEB)
Discussion about this post