Operatori i Shpërndarjes së Energjisë Elektrike (OSSHE) ka reaguar pas shkëputjes së energjisë elektrike në Kinema Milenium në Shkodër, ku do zhvillohej përballja mes Lulzim Bashës dhe eduard Selamit.
Edhe pse nuk sqaron arsyet e shkëputjes së energjisë elektrike, OSHEE sqaron se shkëputja e energjisë nuk ka zgjatur më shumë se 5 minuta.
“Mungesa e energjisë nuk ka zgjatur më shumë se 5 minuta. Edhe pse aktiviteti zhvillohej në një ambient privat, ku duhet të merrte masa, OSHEE vendosi në punë gjeneratorin si dhe siguroi mbarëvajtjen e organizimit duke e furnizuar objektin me lidhje tjetër në formë unazore”- thuhet në reagimin e OSHEE-së.
Kujtojmë se gjatë kohës kur u ndërpre energjia elektrike, kryetari i Partisë Demokratike, Lulzim Basha dhe Eduard Selami do të prezantonin përpara demokratëve të Shkodrës, programin e tyre. Në ato çaste kishte mbërritur vetëm Eduard Selami, ndërsa pritej ardhja e Bashës. (D.D/Shuplaka)
