Përballja e Fredi Bejlerit me Krimet e Rënda, Artan Hoxha jep detajet për dëshminë e ish-deputetit

Gazetari investigativ, Artan Hoxha ka komentuar thirrjen e ish-deputetit, Fredi Bejleri nga Prokuroria për Krime të Rënda lidhur me masakrën e 10 Prillit të vitit 1994 në repartin kufitar të Peshkëpisë një tre persona midis të cilëve dy oficerë policie.

Hoxha shkruan në rrjetet sociale se, Bejleri po jep dëshminë e tij lidhur më këtë ngjarje të rëndë që sipas tij, cënoi sigurinë kombëtare dhe tërësinë territoriale të Shqipërisë.

Sipas gazetarit, Bejlerit i është komunikuar nga oficerët e policisë gjyqësore se është nën hetim për pjesmarrje në aktin terrorist të 25 viteve më parë.

Reagimi i plotë:

DREJTESIA VONON POR NUK HARRON…

Nje lajm i mire ne keto dite te zymta….

Prej ores 12:00 shtetasi shqiptar me pasaporte greke, Fredi Bejleri eshte duke u marre ne pyetje nga Prokuroria per Krime te Renda ne Tirane. Per afro tre ore deri tani, qytetari Bejleri nga Himara eshte perballur me oficeret e policise gjyqesore ne zyren e prokurorit Eugen Beci ne lidhje me masakren e 10 prillit 1994 ne repartin kufitar te Peshkepise, ku mbeten te vrare nga nje komando terroriste e ardhur prej territorit grek, dy Deshmoret e Atdheut, oficeri drejtues Fatmir Shehu dhe ushtari Arsen Gjini.
Bejleri i shoqeruar nga nje avokat nga Vlora eshte duke dhene deklarime per here te pare ne lidhje me kete ngjarje shume te rende qe cenoi sigurine kombetare dhe teresine territoriale te Republikes se Shqiperise. Qe ne fillim oficeret e policise gjyqesore i kane komunikuar Bejlerit zyrtarisht se ai eshte nen hetim per pjesmarrie ne aktin terrorist te 25 viteve me pare. Per kete shkak Bejleri, kreu i OMONIA per Himaren, u paraqit i mbrojtur me avokat ne prokurori. Nje jave me pare KQZ i refuzoi te drejten Bejlerit per te kandiduar per kreun e bashkise Himare. Levizja per Vorio Epirin e mbeshtetur nga partia neofashiste greke Agimi i Arte dhe organizata te tjera ekstremiste panepiriote…

Prokuroria e Krimeve të Rënda ka rihapur pas 25 vitesh dosjen që njihet ndryshe si “Masakra e Peshkëpisë”, pikërisht për këtë çështje është thirrur për t’u marrë në pyetje edhe Fredi Dhionis Bejleri.

Ish-deputeti dhe njëherësh ish-kandidat për kreun e Bashkisë së Himarës prej 40 minutash ndodhet te krimet e rënda, ndërsa pak ditë më parë KQZ e skualifikoi nga gara si i pavarur në Himarë. (Lexo edhe ketu) 

(F.GJ/FAXWEB.AL)