Trajneri i Kombëtares shqiptare, Kristian Panuçi, në në konferencën për shtyp në prag të ndeshjes me Italinë është shprehur krenar që është trajneri i Kombëtares shqiptare dhe se ai është i bindur se nesër kuqezinjtë do të bëjnë një ndeshje shumë të mirë.
“Për sa i përket ndeshjes. Jam italian dhe jam krenar që jam trajner i Kombëtares shqiptare. Nesër do jem në fushë me djemtë e mi. Do isha i lumtur në qoftë se djemtë do ja dilnin dhe të kishin një sukses. Vlejnë më shumë sesa mendojnë. Jam i bindur që nesër do bëjmë një ndeshje shumë të mire”, ka thënë Panuçi.
Ndër të tjera Panuçi ka shtuar se kuqezinjtë do të luajnë kundër Italis sikursë luajtën me Spanjën gjatë pjesës së dytë.
“Do luajmë kundër Italisë siç luajtëm në pjesën e 2 kundër Spanjës, pra lojë sulmi”, tha ai.
Ndërkohë që komentoi ndeshjen me Spanjën Panuçi tha se “Ndeshja kundër spanjës na penalizoi mungesa e lojtarëve të dëmtuar”. (S.SH/Shuplaka)
Discussion about this post