Kryetari i Komisionit Qëndror të Zgjedhjeve, Klement Zguri ka reaguar pas deklaratës së bërë nga zëdhënësja e këtij institucioni kur tha se kërkesa e Bashkive është jashtë kompetencave dhe cënon ligjin zgjedhor në Shqipëri dhe sipas saj, duhen shmangur incidentet dhe përplasjet mes policisë dhe qytetarëve duke paralajmëruar edhe ndjekje penale (lexo këtu).
Zguri ka deklaruar gjatë një prononcimi për Fax News se, distancohet nga kjo deklaratë duke argumentuar se është qëndrim i 4 anëtarëve të komisionit dhe jo i tij.
“Deklarata e sotme nga zyra e KQZ-së, është qëndrim i katër anëtarëve të Komisionit, është qëndrim i tyre, jo qëndrimi im”, tha Zguri.
Kujtojmë se kryetari i KQZ-së, Klement Zguri ka braktisur të dyja mbledhjet që janë zhvilluar lidhur me diskutimet mbi vendimin e presidentit për ç’dekretimin e zgjedhjeve, me argumentin se vendimet e tij janë urdhëruese dhe duhen zbatuar (lexo këtu).
(F.GJ/FAXWEB.AL)
Discussion about this post