Sot në Gjykatën e Elbasanit do të zhvillohet seanca për dy personat e arrestuar si të dyshuar që përdhunuan një 31-vjeçar me aftësi të kufizuara.
Të arrestuarit, 44-vjeçari me iniciale B. J., dhe 59-vjeçari me iniciale R. B., u arrestuan më 16 prill pas kallëzimit të nënës së të riut me aftësi të kufizuara.
Paraprakisht mesohet se prokuroria do të kerkoje “arrest me burg pa afat” për B.Jollen i cili ka pranuar pjesërisht ngjarjen. Jolla para oficerëve të policisë ka deklaruar se e kanë zhveshur 31-vjeçarin.
Ndërkohë per R. Ballen prokuroria do të kërkojë “arrest me burg me afat” pasi mbrojtja ka paraqitur alibinë, sipas së cilës personi i dyshuar nuk ka qenë fare i pranishëm në vendin e ngjarjes në kohën kur pretendohet.
Pritet që alibia të cilën mbrojtja e pretendon se e ka të dokumentuar me pamje filmike të vërtetohet nga hetimet e organit të akuzës.
Discussion about this post