Milam Zeka është përjashtuar nga salla ku po mbahej seanca e jashtëzakonshme e sotme, në Kuvendin e Kosovës.
Zeka ishte i vetmi deputet i koalicionit PAN që u bë pjesë e seancës së jashtëzakonshme parlamentare të thirrur nga Vetëvendosje e Lidhja Demokratike e Kosovës.
Mirëpo për shkak të fjalorit banal që ai po e përdoret në fjalimin e tij para deputetëve, është përjashtuar nga salla.
Në foltoren e legjislativit, duke iu drejtuar deputetëve të partisë së Mustafës, Zeka u shpreh: “ju e keni bërë këtë sallamadi këtë vend.
Abuzimi që po na bëhet që kemi ra në prehrin e Vuçiqit, është abuzim degradues, sepse në mesin tonë ka njerëz që tërë jetën e vet ja kanë kushtu vendit.
Ata që mendojnë disa deputetë, se e kemi kthyer kokën ka Beogradi, nëse e kam kryet ka Beogradi, ju e keni kthyer prapanicën ka Beogradi.”.
Mirëpo kryesuesi i seancës, Kadri Veseli tha që fyerjet nuk lejohen në Parlament dhe e përjashtoi atë nga salla.
“Nuk lejojë fyerjet në parlament. Vetem për pushtet u bënë turp para qytetarëve, vetëm kur është fjala për pushtet”, janë fjalët e kryeparlamentarit. (D.D/Shuplaka)
