Aktori i spektaklit të humorit “Portokalli”, i cili tërhqe gjithmonë me batutat e humorin e tij, këtë herë duket se është revoltuar keq dhe me të drejtë. Gjithçka, ai e ka sqaruar në një njoftim për ndjekësit në rrjetet sociale.
Bëhet fjalë për një event që flitet se do të organizohet, ku mes të tjerësh do të jenë të ftuar Florjan Binaj dhe kolegu i tij. Lajm që është një mashtrim, për të cilin aktori sqaron fansat se nuk do të jenë aspak të pranishëm. Është e gjitha një stisje për të tërhequr më shumë fansa.
“Të dashur miq dhe mikesha.Këto ditë nëpër Tiranë ka dalë ky posteri ku thuhet se në dt 3 Qershor tek ky aktiviteti do jenë dhe 2 policat e Portokallisë… NUK ËSHTË E VËRTETË!!! As unë, as Geni nuk do jemi dhe është turp dhe një mashtrim shumë i shëmtuar që këta “organizatorë” përdorin imazhin tonë për të tërhequr fansat që do vijnë për të na parë dhe ne s’do jemi… E përsëris, NUK JEMI, MOS U GËNJENI!”, shkruan aktori.
(XH.A/SHUPLAKA)
