Përdorte dinamit për gjueti në det, arrestohet 27-vjeçari në Durrës

Policia e Durrësit  ka bërë trë mundur arrestimin e një 27-vjeçar pasi ka përdorur dinamit për gjueti të paligjshme në zonën e Kepit të Rodonit.

Ia rrestuari është shtetasin Juljan Shetaj,  27 vjeç, banues në fshatin Shetaj, Durrës. Ai akuzohet për veprën penale ” Prodhimi dhe mbajtja pa leje e armëve luftarake dhe e municionit”.

Gjithashtu gjatë kontrollit në banesë 27-vjeçarit  iu sekuestrua një armë zjarri automatik tip kallashnikov , të cilën e mbante pa leje dhe  një mjet lundrues, varkë, pa Çertifikatën e përdorimit të mjetit lundrues.

Ndërkohë Ky rast u denoncua në portalin e Komisariatit Dixhtal, ndërsa policia e Durrësit falenderon qytetarin në lidhje me denoncimin e bërë dhe fton çdo shtetas që konstaton një fenomen të paligjshëm ta denoncojë atë.

DETAJE NGA POLICIA:

Në lidhje me një raportim të ardhur nga një qytetar në Portalin e Komisariatit Dixhital ku denoncon një shtetas, I cili përdor eksploziv, dinamit për gjueti të paligjshme në det, tek Kepi I Rodonit bëjnë me dije se: U organizuan menjëherë Shërbimet e Stacionit të Policisë Manëz në bashkëpunim me Efektivet e Komisariatit të Policisë, Drejtorinë Vendore të Policisë dhe Drejtorinë Rajonale për Kufirin dhe Migracionin Durrës, të cilët bënë të mundur identifikimin dhe kapjen e autorit të dyshuar, konkretisht shtetasin Juljan Shetaj, 27 vjeç, banues në fshatin Shetaj, Durrës. Në vijim të veprimeve hetimore të kryera, gjatë kontrollit të ushtruar në banesën e shtetasit të mësipërm u gjet dhe sekuestrua në cilësinë e provës materiale një armë zjarri automatik tip kallashnikov , të cilën e mbante pa leje. Gjithashtu i’u sekuestrua edhe një mjet lundrues, varkë, pa Çertifikatën e përdorimit të mjetit lundrues nga Policia Kufitare dhe dokumentacion të rregullt. Policia e Durrësit falenderon qytetarin në lidhje me denoncimin e bërë dhe fton çdo shtetas që konstaton një fenomen të paligjshëm të denoncojë duke garantuar marrjen e masave nga ana jonë dhe vënien para përgjegjësisë penale çdo shkelës. Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale” Prodhimi dhe mbajtja pa leje e armëve luftarake dhe e municionit” parashikuar në nenin 278 të Kodit Penal dhe neneve 23 dhe 29, pika 1 I ligjit 8663 dt.18.09.2000″ Zhvendosja ose përdorimi I mjetit pa autorizim”.

(S.SH/Shuplaka)