Përfaqësuesi serb: NATO e gatshme të shohë të derdhet gjak në rrugët e Maqedonisë

Sipas medias ruse “Sputnik News”, BE dhe NATO janë duke ushtruar presion mbi Shkupin të pranojë kushtetutën, gjë kjo që do të kishte një efekt destabilizues mbi Republikën e Maedonisë.

Të mërkurën, Presidenti i Republikës së Maqedonisë Gjorge Ivanov refuzoi t’i liderit të Bashkimit Social Demokratik të Maqedonisë, Zoran Zaev, një mandat për të formuar një qeveri të re, pas zgjedhjeve parlamentare në dhjetor.

Partia qeverisëse e qendrës së djathtë VMRO-DPMNE e udhëhequr nga ish-kryeministri Nikolla Gruevski ka fituar 51 vende në zgjedhje, përqindjen më të madhe në parlamentin prej 120 vendesh të Maqedonisë.

LSDM-ja doli në vend të dytë me 49 vende, pasuar nga partia më e madhe politike shqiptare në vend, Bashkimi Demokratik për Integrim (BDI), e cila mori 10 vende.

Gruevski ka shprehur gatishmërinë për të mbështetur LSDM-në në qeveri nëse Zaev premton se do hedhë poshtë “Tirana Platform”, një nismë e sponsorizuar nga qeveria shqiptare për të rritur ndikimin e Shqipërisë në politikën maqedonase.

Alexandar Pavic nga qendra e Beogradit për Strategji Alternative tha për Sputnik Serbi, se thirrja e BE është një demonstrim se ajo sillet si “një dorë ndihmëse e Washingtonit dhe po punon ngushtë me NATO-n”.

“Duke pasur parasysh dëshirën e Maqedonisë për t’iu bashkuar NATO-s, destabilizimi i vendit do të ishte një rezultat i pranueshëm për aleancën. Ky nuk është një rezultat i keq për aq kohë sa NATO ndihet i shqetësuar. Edhe në qoftë se gjaku derdhet nëpër rrugët e Maqedonisë, kjo do jetë e pranueshme për NATO-n. Padyshim, ata duan të parandalojnë frikën më të madhe të NATO-s, që është lënia e një vakumi për hyrjen e ndikimit rus.

Kjo ndërhyrje e hapur tregon se ata e kanë me nxitim për të bërë sa më shumë që të munden dhe ta prezantojnë administratën e re me një fakt të kryer kudo që të jetë e mundur. Në Ukrainë, Maqedoni, Mali të Zi, këtu ne shohim projektin globalist që ka provuar të sundojë për 25 vitet e fundit”, tha Pavic.

Pavic komentoi se destabilizimi i Republikës së Maqedonisë do të hidhte dyshime në çdo përfshirje të mundshme në projektin turk të gazit, apo planet e Kinës për të ndërtuar një tren të shpejtë në mes të Selanikut dhe Budapestit.

“Një Maqedoni e paqëndrueshme ndalon secilin prej këtyre projekteve,” shtoi ai.