Përfitoi nga amnistia, por i jep fund jetës: Ku kam mundësi të paguaj kaq para? Veç të vetëvritem

Një 31-vjeçar i ka dhënë fund jetës dy ditë më parë, për shkak të pamundësisë për të shlyer faturën e dritave.

I identifikuar si Klajdi Muça 31 vjeç, i cili kishte vetëm pak ditë që kishte dalë nga burgu duke përfituar nga amnistia, ai është shprehur se nuk mund të shlyente faturën prej 80 mijë lekësh të rinj, veç të vriste veten.

Për shkak të kushteve të vështira ekonomike, ai vendosi të vetëvritej duke u varur në një pemë në oborrin e shtëpisë. Trupi i pajetë u gjet nga i vëllai, i cili lajmëroi menjëherë policinë.

Sipas familjarëve, babai i një fëmije të mitur, ishte i papunë dhe gjatë periudhës në burg i ishin mbledhur shumë borxhe.

Ata kanë rrëfyer edhe një debat që ai kishte bërë në zyrën e OSHEE-së që ndodhet përballë Bashkisë Kamzës, pasi kishte mësuar shumën që i duhej të paguante për dritat. (XH.A/SHUPLAKA)