Përflitej largimi i tij, hapi i papritur që ndërmerr Mourinho

Në një moment kur mediat kishin përfolur për largimin e tij, Jose Mourinho ka rinovuar kontratën e tij me Manchester United deri në vitin 2020.

Lajmi është bërë i ditur dje, një ditë përpara se trajneri portugez të mbushë 55 vjeç dhe të drejtojë ndeshjen numër 100 në pankinën e “Djajve të Kuq”.

“Jose ka arritur shumë gjëra si trajner i Manchester United dhe jam shumë i lumtur që të lajmëroj se ka pranuar të zgjasë lidhjen e tij me klubin të paktën deri në vitin 2020”, tha zv/presidenti ekzekutiv i klubit anglez, Ed Ëoodëard.

Mourinho kishte kontratë deri në vitin 2019 me United dhe kontrata e re e zgjat vetëm me një vit marrëveshjen që u firmos në verë të vitit 2016.

Vetë portugezi tha: “Është nder të jesh trajner i Manchester United. Falenderoj pronarët e klubit që kanë vlerësuar punën time të madhe dhe përkushtimin tim. Jam i lumtur që besojnë se unë jam trajneri ideal për këtë klub të madh”.

(E.K/FAXWEB)