Përfshihet nga flakët makina në Vlorë, identiteti i pronarit nuk bëhet i ditur

Përfshihet nga flaket një automjet pranë ish-shkollës së aviacionit në Vlorë.

Automjeti tip benz ishte i parkuar pranë një pallati në zonë. Dyshohet që ngjarja të jetë e qëllimshme. Në zonë përreth automjetit janë gjendur edhe disa bidona.

Po shihet nëse ka patur benzinë një prej tyre pasi disa janë përdorur me ujë për të shuar flakët para se të mbërrinte zjarrfikësja. Në vendngjarje ka mbërritur menjëherë policia. Automjeti ishte parkuar ndërsa nuk levizte prej gati tri – katër javësh.

Policia është duke hetuar për ngjarjen. Nuk bëhet ende i ditur identiteti i pronarit të mjetit ndërsa nga policia bëhet me dije se mjeti ishte blerë  para katër muajsh.