Sapo ka përfunduar mbledhja e kryesisë së PS-së dhe kryeministri Edi Rama në një komunikim me gazetarët tha ndër të tjera se është i angazhuar që të ofrojë alternativën më të mirë për qytetarët.
Rama tha gjithashtu se, nuk është ai që vendos që opozita të futet apo jo në zgjedhje duke shtuar se PS nuk bën regjistrime partish.
“Do të prezantojmë gjithë listën për kryetarët e Bashkive dhe anëtarëve të kesihillave bashkiak. Ditën e shtunë do të publikojmë emrat e kandidateve per kryetarë të bashkive ndërkohë që kandidatët për anëtar këshilli do ti nënshtrohen të gjitha procedurave.
Cilat bashki do tua lini aleatëve?
Ne jemi regjistruar në një koalicion dhe kandidatët do të jenë të koalicionit. Ne natyrisht po përgatitemi dhe duam ti fitojmë të 61 bashkitë.
Po nëse fitohet ndonjëra nga Bindja Demokratike?
Në garë hyhet për të fituar dhe me besimin se ju jep zgjedhësve alternativën më të mirë, janë qytetarët që vendosin dhe fiton më i miri.
Do të ketë ndonjë mundësi nga ana juaj që opozita të futet në zgjedhje?
PS nuk bën regjistrime partish në zgjedhje, këtë e bën administrata zgjedhore dhe e vendosin ata. Jemi në 2019 mos gabohem, 2017 tashmë është një histori, kemi bërë një përpjekje të jashtëzakonshme dhe kam bërë sasinë më të madhe të lutjeve për opozitën. Sot jemi në kushtet për të mbajtur vetëm një përgjegjësi, t’ju japim qytetarëve alternativën më të mirë.
Do të mërziteni pa Bashën përballë?
Duhet të kem më shumë arsye për t’u mërzitur, ajo që është më e rëndësishmja është që sitemi të garantojë pjesmarrjen e secilit po askush nuk është i detyruar të marrë pjesë me zor në zgjedhje.
(F.GJ/FAXWEB.AL)
Discussion about this post