Përfundon numërimi, Gazmend Bardhi fiton përballë Telitit, ja emrat e fituesve të sekretariateve në PD

Kanë dalë emrat emrat e fituesve të sekretariateve në Partinë Demokratike e cila sot mblodhi sot Këshillin Kombëtar.

Rezultatet i njoftoi Jemin Gjana, kryetari i komisionit zgjedhor në PD.

“U mbyll procesi i numërimit dhe i përllogaritjes së rezultatit të votimit për sekretariatin e partisë. Pra, për sekretarin e Përgjithshëm, Sekretarin e Çështjeve Ligjore, Sekretarin Organizativ, Sekretarin për Çështjet Zgjedhore dhe Sekretarin për Burimet Njerëzore. 
Në përfundim të numërimit rezulton se:  Nga 355 anëtarë të Këshillit Kombëtar, kanë marrë pjesë në votim 328 anëtarë. Fletë votimi në kutinë e votimit për Sekretariatin, janë gjetur 328 fletë votimi”, tha Gjana.

Pasi është kryer votimi dhe janë numëruar votat mësohet nga burime brenda PD së Gazmend Bardhi është zgjedhur Sekretar i Përgjithshëm i kësaj force politike dukefituar  përballë Dorian Telitit në garën për kreun e sekretarit të Përgjithshëm në PD.

Sait Dollapi është sekretar organizativ.

Ivi Kaso është zgjedhur sekretar për Çështjet Zgjedhore.

Ervin Minarolli  është zgjedhur sekretar për Burimet Njerëzore.

Çlirim Gjata është zgjedhur sekretar për Çështjet Ligjore .

(M.Q/Faxweb.al)